Liburutegien Eguna ospatuko dute gaur Donostiako zenbait liburutegitan. Immigrazioaren gaia jorratuko dute aurten, gizartearen parte diren heinean, liburutegietatik ere gai horri "erantzun egoki bat" emateko helburuarekin.

Aspanogi elkarteak eskatu berri du protokolo bat ezar dezatela minbizia gainditu duten haurrei jarraipena egiteko. Gaixotasuna gainditu duten haurren %70ek jasaten dituzte ondorioak gerora.

Orain arte indarrean egon diren neurri murriztaileak bertan behera geratu ondoren, Donostiako Udalak iragarri du San Tomas eguna ospatuko duela. Egun horren aurretik, hala ere, beste hainbat festa ospatzen dira Gipuzkoako herri eta hirietan. Antolatu edo ez, zalantza da nagusi.

Glutenik gabeko postreak prestatzen dituzte Arrasateko Irrika gozogintza lantegian. Ohiko irinak ez erabiltzeak esperimentatzeko hamaika bide zabaldu dizkie.

Azpeitiko Udalaren Joxe Takolo beka irabazita, Aixa Ibarrengo lurpeko sistema kartografiatzen eta aztertzen aritu da Felix Ugarte elkartea asteburuan. Hemezortzi espeleologok hartu dute parte proiektuan.