Elkarrizketa

“Tentsioa, amorrua eta beldurra izan dira nagusi”

“Tentsioa, amorrua eta beldurra izan dira nagusi”

COVID-19aren pandemian, erizainak garrantzi handia izaten ari dira. Hori dela eta, Gipuzkoako Erizainen Elkargo Ofizialak inkesta bat egin du, erizainen errealitatea eta egoera ezagutzeko. 850 profesionalek baino gehiagok hartu dute parte, Gipuzkoako erizainen %16k.

“Pandemiak zuloa utzi digu, eta estaltzea espero dugu”

“Pandemiak zuloa utzi digu, eta estaltzea espero dugu”

Koronabirusak eragindako alarma egoeran buru-belarri aritu da lanean Gipuzkoako DYA: 50.000 maskara baino gehiago banatu dituzte, 10.500 ordutik gora eman dituzte boluntario lanetan, 40.000 kilometro baino gehiago egin dituzte esku hartzeetan, 1.700 test inguru egin dizkiete arrantzaleei, eta 15.000 dei baino gehiago egin dituzte telefarmazia zerbitzurako.

“Teknologia tresna garrantzitsua izan da artxiboa osatzeko”

“Teknologia tresna garrantzitsua izan da artxiboa osatzeko”

Zuzendari berria dauka hilabete hasieratik Eresbil Musikaren Euskal Artxiboak. Azken urteetan artxiboko teknikari izan da Pello Leiñena (Donostia, 1965), eta "oso pozik" hartu du Jon Baguesen lekukoa. 1974an sortu zen Eresbil, euskal musikagileen lanak zabaltzeko Errenterian antolatu ohi den Musikaste ekimenak eragindako programazio beharrak zirela eta. Garai horretan hasi ziren euskal musikagileen partiturak biltzen, eta gerora grabazioak zein bestelako materialak ere jaso dituzte. Gauzak horrela, musika ondarea ikertzea, biltzea, zaintzea eta zabaltzea dute helburu. Guztira, euskal musikagileen 2.000 lanetik gora dituzte artxiboan. Leiñenak azaldu du "ilusio handiarekin" hartu duela postua, eta nabarmendu du erronka ugari dituela.

“Sahararrentzat oso garrantzitsua da eurekin gogoratzea”

“Sahararrentzat oso garrantzitsua da eurekin gogoratzea”

45 urte betetzear dira Marokok Mendebaldeko Sahara okupatu zuenetik, eta berezko egoera gordin horri osasun krisia gehitu zaio orain. Errefuxiatuen kanpalekuetan, oraingoz, ez dute COVID-19aren probetan positiborik izan, baina, Jose Angel Zuazua (Donostia, 1946) Donostiako Sahararen aldeko elkarteko presidenteak azaldu duenez, blokeo egoerak bere horretan jarraitzen du oraindik. «Laguntza behar dute».

“Konfinamenduaren hasieran gorputzean sartzen zen beldurra”

“Konfinamenduaren hasieran gorputzean sartzen zen beldurra”

Unai Zubeldia
Urte askoan ONCE Espainiako Itsuen Erakundean helduen hezkuntzan eta braile irakasle gisa aritu ondoren, erretiroa hartu berritan Amaia Zalakainek (Oiartzun, 1966) ez du eduki disfrutatzeko aukera handirik oraindik. «Ia ezustean» iritsi zitzaion konfinamendu egoera, Donostiatik Irunera amaren etxera «astebeterako» joanda zegoela. Han igaro ditu bi hilabete eta erdi. Beldurrak uxatuta, «egoera berrira egokitzen» ari da pixkanaka. Egunerokoari aurre egiteko auzokideen babesa goratu du.

“Denboraldia aurrera ateratzeko zerbait izango dugu behintzat”

“Denboraldia aurrera ateratzeko zerbait izango dugu behintzat”

Aitziber Arzallus

Hondartza denboraldi "arraroa" espero dute Zarautzen. Hala dio Ibon Elorza toldozainak (Zarautz, 1961), edo toldozain ohiak, aurten ezingo baitute hondartzan toldorik jarri. Debekuak "egoera zailean" utzi dituela aitortu du, "negu guztia udako denboraldiari begira lanean" pasatu eta gero ezingo dutelako ordainik jaso. Udalak, baina, zeregin berria jarri die hastear den denboraldirako: toldozainak arduratuko dira hondartzako sarbideak eta edukiera kontrolatzeaz.

“Erditzea ez da gauza fisikoa bakarrik; emozionala ere bada”

“Erditzea ez da gauza fisikoa bakarrik; emozionala ere bada”

Unai Zubeldia

Sei urteko ibilbidea dauka Magale elkarteak. Etxeko erditzeetan laguntzen du elkarte horrek, eta Josune Ibargoien emagina eta edoskitzean aditua (Irun, 1988) da sortzaileetako bat —Clara Rosas emagin eta osteopatarekin sortu zuen proiektua—. Ibargoienek azaldu du urtetik urtera "gero eta jende gehiagok" ematen duela haurra etxean jaiotzeko pausoa, baina azken asteotan "asko" igo dela kopurua. COVID-19aren eta konfinamenduaren beste ondorioetako bat da hori.