Igande arratsaldeetan haurrak pentsatzen jartzen dituen egitasmo bat garatzen ari dira Oiartzunen. Ez diete esaten zer pentsatu behar duten; eurek zehazten dute zertaz aritu.
'Jatorri aniztasuna eta elkarbizitza Usurbilen' Aztikerren lana oinarri hartuta, udalak 'Migrazioari maskarak erauzten' ikus-entzunezkoa egin du. Maria Jesus del Pico, Ana Julia Centeno eta Maria Arantzazu Ugarte dira protagonistetako hiru.
Eusko Jaurlaritzak Aretxabaletako UDA kirol elkartea eta Arrasateko San Joan Jainkoarena ospitalea saritu ditu, gazteen adikzioak lantzeko egindako lanagatik. 2016an hasi zuten proiektua, elkarlanean.
Bi urte dira Tolosan Akerbeltz espeleologia eta kultur taldea sortu zutela. Iñaki Alonsok, kideetako batek, esan du espeleologia herritarrengana gerturatu nahi dutela: "Jendeak ez du haitzuloak zaintzeko kontzientziarik".
Gipuzkoako DYA 6 eta 12 urte arteko haur eta gazteei doako tailer bat ematen hasiko da hurrengo astean, eskoletan. Koronabirusa zer den eta prebentzio lana nola egin erakustea da erronka nagusia.
36ko gerraren eraginez Euskal Herritik ihes egin behar izan zuten haurrak omenduko dituzte gaur eta bihar, Bergaran, Arrasaten, Elgetan, Oñatin eta Aretxabaletan, tokian tokiko ekitaldiekin.
Aitor eta Nextor Otaño Pasai San Pedroko aita-semeak daude Nexgraff grafiti sinaduraren atzean. 17 urterekin, Espainiako Grafiti Liga irabazteko gai izan da Nextor semea. Duela lau urte ekin zioten bideari, eta inguruak marrazkiz josten ari dira.
Ingurumena eta giza eskubideak izango ditu ardatz Donostiako aurtengo Giza Eskubideen Aldeko Pedagogia Baliabideen Azokak. Zaira Garciarentzat "erronka polita" da elkargune hori ikustea.
Gipuzkoa Naturaren webgunean egingo dute azoka birtuala. Bihar goizean jarriko dute martxan, eta zabalik izango da urte guztian.
COVID-19ak gogor jo ditu Beasain eta, oro har, Goierri guztia. Leire Artola Beasaingo alkateak dio ez dakitela zergatik daukaten hain intzidentzia tasa handia. Zaldibian egoera hobetzen ari da pixkanaka, baina herritar asko etxean konfinatuta daude oraindik ere.
