Soraluzeko Arrabal kultur elkarteak hirugarren urtez jarraian antolatu du Blues Hotsak jaialdia. Gaur hasi eta azaroaren 28ra arte izango dira saioak.
Atzotik martxan da erakusketa, Zarautzen, Cuauhtemoc Campos, Mario Cea eta Leire Unzueta argazkilarien obrekin. Ramon Serras argazkilaria omenduko dute aurten; joan den otsailean hil zen.
Urtarrilean beteko dira hamar urte Txillardegi hil zenetik. Ia ordukoa da Donostiako Udal Liburutegiari haren izena jartzeko eskaera ere. Idazle talde batek berriro heldu dio proposamenari, eta sinadura bilketa egiten ari dira. "Giro politiko normalizatuago bat" egonik, aurrera egitea espero dute.
Bidasoko Nazioarteko XXI. Zinemaldi Arkeologikoa astelehenean hasiko da, Irungo Amaia KZn. Larunbatera arte, hemeretzi film ariko dira lehian sail ofizialean.
ArtEgaña elkarteak Xabier Egaña artistari buruzko erakusketa bat zabaldu du Zarauzko hiru gunetan. Hil bukaerara arte, haren 55 obra esanguratsu ikusteko aukera egongo da.
Hondarribian, Donostian eta Bilbon ikusgai egon ondoren, gaur Andoainera iritsiko da 'Martin Ugalde Orradre. Jaiotzaren mendeurrena (Andoain 1921-Hondarribia 2004)' erakusketa. Abenduaren 12ra arte ikusi ahal izango da, Basteron. Azaroaren 11n 100 urte beteko dira Martin Ugalde Andoaingo idazle, kazetari eta euskaltzalea jaio zela.
Zizurkilen Erdi Arotik XXI. mendera baserriek artikulatu duten kultur paisaia aztertu dute Aranzadiko hiru ikerlarik. Paisaia "etengabeko bilakaeran" dagoela ikusi dute.
Igandean estreinatuko dute 'Hiru kortse, azukre asko eta brandy gehiegi' antzezlana, Azpeitian, Euskal Antzerki Topaketetan. Erika Olaizola aktore eta zuzendarietako baten esanetan, 'Bridgerton' telesailaren bueltan sortutako galdera batzuk dira antzezlanaren abiapuntua.
Frantziako Reims hirian egiten duten gorren arte jaialdian inoiz ikusi gabeko filmak ikusi zituen Rodriguezek, keinu hizkuntzan. Gustatu, eta Tolosan ere keinu hizkuntzako zinemaldia antolatzea erabaki zuen.
Karlos Zurutuzak eta Andoni Lubakik hamaika herrialdetako istorioak ekarri dituzte '33. paraleloa' erakusketara. Komunikabideetan gutxi azaltzen diren herrialdeak dira.
