Animalien izenekin egindako palindromo ilustratuekin osatutako erakusketa bat jarri dute Itziar Aranburuk eta Ion Ander Garciak, Donostiako Ernest Lluch kultur etxean.
Iñaki Arriola Garraio sailburuak adierazi du trenbidea bikoizteko lanak 2021ean lizitatuko dituztela. Amaitutakoan, trenek 7,5 minutuko maiztasuna izango dute. Iragarpena "enegarren propaganda iragarkia" dela iruditu zaio EH Bilduri.
Aranzadi zientzia elkartea memoria historikoa lantzeko ikerketak egiten ari da Gipuzkoako hainbat herritan. Helburua: 1936az geroztik herriz herri jazo diren giza eskubideen urraketak azaleratzea.
'Gipuzkoako Hitza'-k hamar urte egin zituen iragan astean. Herrialdeko auzi nagusiak nahiz eskualdeetakoak lantzen ditu astekariak.
Tolosako Andia dorrea herri horretako lehen eraikina dela diote; aldamenean zegoen etxebizitza eraitsi zuten uztailean, eta hainbat herritarrek eskatu dute agerian geratu zen fatxada aztertzeko. Alboan etxe bat eraikitzen hasiak dira, ordea.
Donostiako Ulia eta Ondarreta-La Sirena udal gazte aterpetxeen kudeaketa "pribatizatzeko arriskuan" dagoela ohartarazi dute langileek. Udalak ukatu egin du horretan ari dela.
Aurten pandemiagatik ikastolen aldeko jaiak bertan behera gelditu diren arren, elkarteak urteari amaiera "gozoa" eman nahi dio gaurko ekitaldiarekin. 'Ikastolak herriari' jaialdia egingo dute Donostiako Kursaalean, 18:00etatik aurrera.
Artisten eta sortzaileen lagunarteko topalekua da Jose Mari Telleria argazkilariak Beasainen duen Nafarroa 23 espazioa. Herriari irekitako leku bat izatea nahi du Telleriak, eragileek eta artistek erabil dezaten.
Pandemia iritsi zenetik, bertan behera geratu dira festetako ia ekitaldi guztiak. Udal bakoitzak erabaki du zer egin festetako diru horrekin. Batzuek koronabirusak sortutako gastuei aurre egiteko erabili dute; beste batzuek, berriz, normalean antolatu ohi ez dituzten kultur jarduerak antolatzeko.
Herriko merkataritza eta ostalaritza sustatzeko egitasmo bat da. Komertzioek atzotik eman dezakete izena, eta herritarrek hilaren 16tik aurrera parte hartu ahalko dute.
