'Hitz-artea' saioa egingo dute gaur, 19:00etan, Aretxabaletako Arkupe kultur etxean. Jokin Mitxelena ilustratzaileak zuzenean marraztuko du, sei narratzaileren irakurraldiak entzunez.

Maria Giro Coll katalana praktikaldia egiten ari da Alkizako Ur Mara museoan; landa eremuan egiten diren kultur eta arte prozesuak zaizkio interesgarri sortzaileari, "lurraldeari lotuta eta komunitateari begira". Pirinioetako herri txiki batekoa da.

Liburuaren Nazioarteko Eguna da gaur, eta, egun bakarreko ekitaldi sorta zabalduta, asteburu guztirako eskaintza osatu dute Irunen. Azoka nagusiaz gain, beste haima bat ere prestatu dute.